CAinsi l’aut’ jour Geun’ pauvr’ D7dintelGlière

In amicloD7tant sin p’tit garGchon

CQui, d’puis tros quarts d’Gheure, n’faiD7jot que d’Gbraire

Tâchot l’indorBmmir par A7eun’ canD7chon.

GEll’ li dijot : « D7Min Narcisse

GD’main t’aras du D7pain d’épice,

GDu chuc à D7gogo

Si t’es sache A7et qu’te fais doD7do.

[Refrain]

Et si te m’laich’ faire eun’ bonn’ semaine
J’irai dégager tin biau sarrau
Tin patalon d’drap, tin giliet d’laine,
Comme un p’tit milord, te s’ras faraud !
J’ t’acat’rai, l’jour d’la ducasse
Un porichinell’ cocasse
Un turlututu
Pour juer l’air du Capiau-pointu

[Refrain]

Nous irons dins l’cour Jeannette-à-Vaques,
Vir les marionnettes comme te riras
Quind t’intindras dire un doup’ pou Jacques !
Par l’porichinelle qui parle magas
Te li mettras dins s’menotte,
Au lieu d’doupe un rond d’carrotte
Il t’dira merci
Pins’ comme nous arons du plaisi !

[Refrain]

Et si par hazard sin maîte eus’fâche,
Ch’est alors Narciss’ que nous rirons
Sans n’avoir invie, j’prindrai m’n’air mache,
J’li dirai sin nom et ses surnoms
J’li dirai des fariboles,
I m’in répondra des drôles
Infin, unchacun
Verra deux spectac’ au lieu d’un

[Refrain]

Alors serr’ tes yeux, dors min bonhomme,
J’vas dire eun’prière à p’tit Jésus,
Pou qu’i vienne ichi, pindint tin somme,
T’faire rêver qu’j’ai les mains plein’s d’écus,
Pou qu’i t’apporte eune coquille,
Avec du chirop qui guille
Tout l’long d’tin minton
Te pourlèqu’ras tros heur’s du long

[Refrain]

L’mos qui vient, d’Saint-Nicolas ch’est l’fête,
Pour sûr au soir i viendra t’trouver
I t’f’ra un sermon et t’laich’ra mette,
In-d’sous du ballot un grand painier
I l’rimplira si t’es sach’,
D’sait-quoi qui t’rindront bénache
Sans cha sin baudet
T’invoira un grand martinet

[Refrain]

Ni les marionnettes, ni l’pain d’épice,
N’ont produit d’effet ; mais l’martinet
A vite rappajé eul’p’tit Narcisse,
Qui craignot d’vir arriver l’baudet
Il a dit s’canchon-dormoire,
S’mère l’a mis dins s’n’ochennoire
A r’pris sin coussin,
Et répété vingt fos ch’refrain

[Refrain]